Քրեական աշխարհի հեղինակություն Ասլան Ուսոյանի հետ Մոսկվայում վիրավորված, նրա թիկնապահ Արթուր Բաղրամյանը Իջեւան քաղաքի Բլբուլյան փողոցի 4-րդ նրբանցքի բազմաբնակարան շենքերից մեկի բնակիչ է եւ իջեւանցիներին առավել հայտնի է «Աբան» մականունով: «Աբանը» Ասլան Ուսոյանի շրջապատում հայտնվել է շնորհիվ իր զինվորական ծառայության ընկեր, Սոչի քաղաքի բնակիչ Անդրուշի, ով սեւծովյան այդ քաղաքում է քրեական հեղինակություն: «Աբանը» պատրաստվում էր վերադառնալ Հայաստան, որպեսզի հոկտեմբերի 5-ին Երեւանում աշխատող իրավաբան դստերն ամուսնացներ հանրապետության դատավորներից մեկի որդու հետ: Ժամանակին ավազակային հարձական եւ թմրամոլության համար դատված «Աբանի» երկու որդիները բնակվում են Իջեւանում, մեկն ամուսնացած է, մյուսը՝ դպրոցական:
