Սեպտեմբերի 30-ին, ժամը 11-ին, Արցախի բոլոր երեխաները նույն ժամին, նախապես բաժանված ատամի խոզանակով եւ մածուկով մաքրելու են իրենց ատամները՝ ատամնաբույժների հսկողությամբ: Երեկ այս մասին հայտնի է դարձել Երեւանում կազմակերպված Ստոմատոլոգների 3-րդ համահայկական հավաքի եւ 7-րդ Միջազգային կոնգրեսի ժամանակ: Ամերիկյան համալսարանում տեղի ունեցած կոնգրեսին մասնակցելու համար մեր երկիր են ժամանել մի շարք երկրների մասնագետներ: Նրանք տեղացի ատամնաբույժների համար կկազմակերպեն դասընթացներ: Միջոցառմանը ներկա առողջապահության նախարար Հարություն Քուշկյանը՝ ողջունելով հյուրերին, Ստոմատոլոգների ասոցիացիայի նախագահ Աշոտ Գեւորգյանին պարգեւատրեց հուշամեդալով:
