Սանկտ Պետերբուրգում ավարտին է մոտենում սիրողական բռնցքամարտի Ռուսաստանի առաջնությունը: Արդեն ավարտվել են կիսաեզրափակիչ հանդիպումները եւ հայտնի են դարձել այն զույգերը, որոնք այսօր կպայքարեն չեմպիոնի կոչման համար:
Կիսաեզրափակչի արգելքը հաջողությամբ հաղթահարեց Դավիթ Հայրապետյանը, որն առավելության հասավ Դմիտրի Արտյոմկինի նկատմամբ: 49 կգ քաշային կարգում Ռուսաստանի չեմպիոնի կոչման համար Դավիթը կհանդիպի Բելիկ Գալանովի հետ: Եզրափակիչ մտավ նաեւ 52 կգ քաշային Միշա Ալոյանը, ով կիսաեզրափակչում պարտության մատնեց Վյաչեսլավ Տաշկարակովին: Վճռորոշ մարտում Ալոյանի մրցակիցը Գեորգի Բալակշինն է:
Հայազգի մեր մյուս բռնցքամարտիկը, ով նույնպես հասել էր կիսաեզրափակիչ, այս փուլում ավարտեց իր մրցելույթները: 64 կգ-ում Ավագ Ուզլյանը պարտվեց Ալեքսանդր Սոլյանիկովին:
