![\"\"](\"https://www.aravot.am/2010/aravot_arm/September/25/p5.jpg\")
ՄԱԿ-ի Հայաստանի ներկայացուցչությունում Հայաստանի ԱԳ նախարար Էդվարդ Նալբանդյանն ընդունել է Կոսովոյի արտգործնախարար Սկենդեր Հուսեինին՝ վերջինիս խնդրանքով: «Ազատություն» ռադիոկայանի Կոսովոյի ծառայությունը հաղորդում է, որ արտգործնախարարների հանդիպման ընթացքում Կոսովոն եւս մեկ անգամ խնդրել է Հայաստանին ճանաչել իր անկախությունը:
Սկենդեր Հուսեինը նշել է, որ Արդարադատության միջազգային դատարանը կողմ է արտահայտվել Կոսովոյի անկախությանը, իսկ ՄԱԿ-ի Գլխավոր ասամբլեան բանաձեւ է ընդունել, որով ողջունել է այդ որոշումը: Իր հերթին Հայաստանի ԱԳ նախարարը հայտարարել է, որ «Հայաստանը ողջունում է Արդարադատության միջազգային դատարանի վճիռը եւ կշարունակի գործակցումն ու հանդիպումները Կոսովոյի հետ»:
