Մայրաքաղաքի Վարշավյան 55/57 տան սեփականատեր, 80-ամյա թոշակառու, Բաքվից 1989թ. բռնագաղթված Ալեքսանդր Միրզոյանը երեկ «Առավոտին» տեղեկացրեց, որ դատարանում է գտնվում իր հայցը՝ ընդդեմ հարեւանի: Նա պահանջում է՝ մուտքերի առանձնացում, «ճանապարհ դեպի տուն»: Սակայն դեռ դատական նիստի օրը չնշանակված, դատական ակտերի կատարման աշխատակիցները փակել են մուտքերը երկու կողմից (դռան եւ ճանապարհի), ինչի հետեւանքով Ալեքսանդր Միրզոյանը տուն մտնելու հնարավորությունից զրկվել է: Թոշակառուն ստիպված էր երեկ երկաթգծի աղբանոցի տարածքով, որտեղ չկա ճանապարհ, 300մ «բարձունք» հաղթահարել, որպեսզի ետնամասով հասնի տուն… «Կինս ոտքերի ցավ ունի եւ չի կարող երկար ճանապարհով հասնել տուն: Եթե տուն էլ գա, աստիճանները քանդված են, մուտքերը փակված»,- ասում էր Ա. Միրզոյանը:
