![\"\"](\"https://www.aravot.am/2010/aravot_arm/September/24/p1.jpg\")
Անթալիայում շարունակվում է ծանրամարտի աշխարհի առաջնությունը: Երեկ երեկոյան ասպարեզ դուրս եկան 77 կգ քաշային ծանրորդները: Հայաստանն այս քաշային կարգում ներկայացնում էր Տիգրան Գ. Մարտիրոսյանը: Հայազգի ծանրորդը «պոկում» վարժությունում գլխավերեւում պահեց 173 կիլոգրամը՝ նվաճելով փոքր ոսկե մեդալ: Իսկ «հրում» վարժությունում Տիգրանը բարձրացրեց 200 կիլոգրամը եւ երկամարտի արդյունքում հավաքելով 373 կգ՝ դարձավ աշխարհի չեմպիոն: Թուրքական քաղաքում բարձրացավ հայոց եռագույնը եւ հնչեց Հայաստանի ազգային օրհներգը:
Անթալիայից մեր սպորտային մեկնաբանի ռեպորտաժը՝ հաջորդ համարում:
