![\"\"](\"https://www.aravot.am/2010/aravot_arm/September/18/p1.jpg\")
Սեպտեմբերի 21-ին, Մարտիրոս Սարյանի արձանի մոտ, Անկախության 19-ամյակին նվիրված տոնական հանրահավաք տեղի կունենա: Երեկ այդ մասին Հայ ազգային կոնգրեսի հանրահավաքում հայտարարեց ՀԱԿ համակարգող Լեւոն Զուրաբյանը: Հոկտեմբերի 1-ին կկազմակերպվի երթ դեպի Հայաստանում ԵԽ գրասենյակ` ԵԽԽՎ մոնիտորինգի հանձնաժողովի՝ Հայաստանին նվիրված նիստի նախօրեին: Հոկտեմբերի 15-ին կկայանա ՀԱԿ-ի հաջորդ համապետական հանրահավաքն ու երթը: Այդ օրը ՀՀ առաջին նախագահ Լեւոն Տեր-Պետրոսյանի ելույթը նվիրված կլինի կոռուպցիային: Հոկտեմբերի 19-20-ին եւս նախատեսվում են բողոքի ակցիաներ եւ միջոցառումներ: Իսկ Կոնգրեսի երեկվա հանրահավաքին հաջորդած երթն անցավ խաղաղ ու առանց միջադեպերի եւ ավարտվեց Հյուսիսային պողոտայում:
