![\"\"](\"https://www.aravot.am/2010/aravot_arm/September/17/p15.jpg\")
Հրատարակվել է Մերուժանի «Երկվորյակ» բանաստեղծությունների գրքույկը: Ժողովածուն ամփոփում է հեղինակի վերջերս գրած լիրիկական տողերը, որոնք մինչ այսօր որեւէ տեղ չեն տպագրվել:
«Առավոտի» հետ կարճատեւ զրույցում Մերուժանն ասաց. «Բանաստեղծությունը խոսքի բյուրեղն է, որ բխում է հոգու ակունքներից՝ իր հետ բերելով երաժշտական հնչյունների մեղեդայնությունն ու գեղարվեստական պատկերների երանգապնակը: Չափածոն բարդ ու հակասական է, այն ծնվում է պահի ապրումներից, մարդու ներաշխարհը ներկայացնելով բանաստեղծի լեզվամտածողությանը համապատասխան խորհրդավորությամբ: Իսկ խոսքը դուրս չէ ժամանակի բարոյական պահանջներից, բայց երբեմն այն լինում է ժամանակավրեպ, քանի որ բանաստեղծն ի զորու է ժամանակից առաջ անցնել»:
Դիտարկմանը, թե գրքույկում զետեղված որոշ բանաստեղծություններ, այնուամենայնիվ, կարելի է ասել, դուրս են մղվում բարոյական պահանջներից, Մերուժանը հակադարձեց, ասելով՝ «Ես հակված չեմ արդի մտածողության մեջ նորարարի տպավորություն թողնել: Ընդամենը ցանկալի եմ համարում, որ տողերս հավուր պատշաճի արժանանան ընթերցողի ուշադրությանը»:
