![\"\"](\"https://www.aravot.am/2010/aravot_arm/September/17/p13.jpg\")
Չին հետաքննիչների մի խումբ ժամանել է Ճապոնիա՝ քննելու այդ երկրի կենդանաբանական այգիներից մեկում ահռելի մեծության պանդայի սատկելու պատճառը: Չին փորձագետները ենթադրում են, որ 14-ամյա Կո-Կո անունով որձ պանդան սատկել է վիրահատության ժամանակ, սրտի կաթվածից, եւ հնարավոր է, որ դրա պատճառը կենդանուն ցավազրկելու նպատակով ներարկված միջոցի չափազանց մեծ չափաբաժինն է եղել:
BBC-ի մատուցմամբ, Կո-Կոն չինացիները վարձավճարով տվել էին Ճապոնիային՝ պանդաների պահպանության եւ նրանց թվաքանակը մեծացնելու ծրագրի շրջանակներում: Չինաստանում երկրպագվող այդ կենդանու հետ տեղի ունեցածը արդեն իսկ ստվերել է երկու երկրների միջեւ հարաբերությունները:
