![\"\"](\"https://www.aravot.am/2010/aravot_arm/September/17/p11.jpg\")
Մեքսիկան Իսպանիայից իր անկախությունը հռչակել է 1810 թվականին: Այդ անկախությունը Մադրիդը ճանաչել է միայն 1821-ին՝ 11-ամյա պատերազմից հետո: Երեկ Մեքսիկան նշում էր իր անկախության 200-ամյակը: Տոնական միջոցառումներն ուղեկցվել են անվտանգության ուժեղացված պայմաններում: Երկրի իշխանությունները զգուշանում էին, որ Անկախության օրվա տոնակատարություններից կարող են օգտվել թմրավաճառներն ու հարձակումներ իրականացնել: Միայն Մեխիկոյում հասարակական կարգի պաշտպանության համար փողոց էր դուրս բերվել 14 հազար ոստիկան: Այդ տոնը Մեքսիկայում նշում են միլիոնավոր մարդիկ, թեեւ այս անգամ տոնական արարողություններ երկրի ոչ բոլոր քաղաքներում են անցկացվել:
Անկախության օրվան նվիրված միջոցառումներն ընթանում են իշխանությունների հասցեին՝ չարդարացված մեծ ծախսեր անելու, վատ կազմակերպված տոնակատարության եւ մարդկանց անվտանգության ապահովման առնչությամբ հնչող մեղադրանքի ֆոնին:
