tert.am-ը տեղեկացնում է, որ Վրաստանում առաջին անգամ հրատարակվել են երկրում ապրող ազգային փոքրամասնությունների համար նախատեսված դասագրքեր։ Ըստ Վրաստանի կրթության նախարարության տարածած տեղեկության, դասագրքերում նյութի միայն 35 տոկոսն է վրացերեն, մնացածը ազգային փոքրամասնությունների լեզուներով է։
Դասագրքերը հրատարակվել են Վրաստանի հայկական, ռուսական եւ ադրբեջանական դպրոցների համար։ Ընդհանուր առմամբ թարգմանվել են պատմության եւ աշխարհագրության դասագրքերը՝ 7-րդ, 8-րդ, 10-րդ, 11-րդ եւ 12-րդ դասարանների համար։ Դրանք անվճար կտրամադրվեն աշակերտներին։
