Տավուշի մարզում Սուրբ Խաչ եկեղեցական տոնը կնշեն սեպտեմբերի 20-ից հետո առաջին կիրակի օրը՝ սեպտեմբերի 26-ին: Այդ օրը տավուշցիներն իրենց հարազատների շիրիմներին այցի են գնում: Հիշեցնենք, որ Տավուշում Վարդավառն էլ առանձնահատուկ օր է տոնվում՝ հուլիս ամսվա 20-ից հետո առաջին կիրակի օրը, իսկ սահմանամերձ Ոսկեպար գյուղում՝ օգոստոսի առաջին կիրակի օրը («Առավոտ», 27. 07. 2010՝ «Երեք տարբեր Վարդավառ»):
