Երեկ www.aysor.am լրատվական կայքը մի տեսանյութ է հրապարակել Գյումրիի Մուշ- 2 թաղամասում բնակարաններ ստացած՝ երկրաշարժից նախկին անօթեւանների ներկայիս բնակարանային պայմանների մասին: Կայքի թղթակիցն այցելել է Գյումրի եւ սեփական ուսումնասիրությունն անցկացրել: Տեսանյութում նոր բնակարանների մոտ տասը բնակարանատեր իրենց նոր պայմանների վերաբերյալ գոհունակություն են հայտնում ե՛ւ կառուցապատող «Գլենդել Հիլզ» ընկերությանը, ե՛ւ ՀՀ նախագահի հասցեին, քանի որ, ըստ բնակիչների, իրենց բնակարան տրամադրելը նախագահի նախընտրական ծրագրի շրջանակներում է եղել: Այս տեսանյութը ուշագրավ է հատկապես այն առումով, որ մինչ այս, Մուշ- 2 թաղամասում իրավիճակը ներկայացվել է բացառապես վատ տեսանկյունից, մինչդեռ շատ բնակիչներ պարզապես շնորհակալ են, որ վերջապես դուրս եկան «փտած» դոմիկներից:
