2009 թվականի սեպտեմբերի 17-ին տեղեկացրել ենք, որ Լեռնային Ղարաբաղի Հանրապետության արտաքին գործերի նախարարությունը 1500 օրինակով հրատարակել է Լեռնային Ղարաբաղի Հանրապետության ատլասը, ուր ամփոփված են միջին եւ խոշոր մասշտաբների շուրջ 70 քարտեզ, տեքստեր, սխեմաներ եւ բազմակողմանի տեղեկատվություն՝ ԼՂՀ կազմավորման, աշխարհագրական դիրքի, բնական պայմանների եւ ռեսուրսների, բնակչության, տնտեսության եւ մշակույթի մասին: Ներկայացված են նաեւ Արցախի հայերի պատմական զարգացման մեջ էական դեր ունեցած աշխարհաքաղաքական եւ ռազմաքաղաքական իրադարձություններ: Եվ ահա ԼՂՀ անկախության 19-րդ տարեդարձի կապակցությամբ լույս է տեսել ԼՂՀ ատլասի անգլերեն տարբերակը:
Այս առթիվ «Արմինֆոն» հաղորդում է, թե ենթադրվում է, որ ԼՂՀ անգլերեն ատլասը առաջիկա հոկտեմբերին կներկայացվի Ֆրանկֆուրտի գրքի ցուցահանդեսում:
