Մարդու իրավունքների եվրոպական դատարանը բավարարել է «Ակոս» թերթի նախկին խմբագրապետ Հրանտ Դինքի եւ նրա մահվանից հետո նրա ընտանիքի ներկայացրած հայցադիմումները՝ ընդդեմ Թուրքիայի կառավարության:
Դինքը դեռ իր կենդանության օրոք դիմել էր ԵԴ՝ թուրքերի ինքնությունը վիրավորելու համար իր դեմ հարուցված քրեական գործի կապակցությամբ: Իսկ նրա մահվանից հետո նրա ընտանիքը մեղադրել էր Թուրքիա պետությանը՝ լրագրողի կյանքի իրավունքը չպաշտպանելու համար:
Մարդու իրավունքների եվրոպական դատարանը 2 հայցերն էլ բավարարել է: Դինքի ընտանիքը որպես փոխհատուցում Թուրքիայից կստանա 130000 եվրո գումար, իսկ դատական ծախսերի համար՝ 28000 եվրո գումար:
