Երեկ ՀՀ ԱԺ-ն քննարկեց աղբահանությանը վերաբերող որոշ օրենքներում փոփոխություններ կատարելու մասին օրինագիծը, որը ներկայացնում էր արդարադատության նախարարի տեղակալ Նիկոլայ Առուստամյանը։ Նա ասաց, որ նոր օրինագծով առաջարկվում է աղբահանության հավաքման 4 չափման միավոր՝ աղբահանում ըստ աղբի քաշի, ըստ աղբի ծավալի, մեկ բնակչի հաշվով եւ բնակմակերեսի հենքով հաշվարկով։ Աղբահանության հավաքման ձեւերը, ըստ նրա, նախատեսում են վճարման չորս եղանակներ. կարելի է վճարել ըստ զանգվածի՝ մեկ տոննայի համար առավելագույնը 30000 դրամ, 1 խմ աղբի համար՝ առավելագույնը 10000 դրամ, ըստ հաշվառված անձի՝ առավելագույնը ամսական 1000 դրամ եւ 1 քմ բնակմակերեսի հաշվարկով՝ 100 դրամ։ Իսկ թե որ եղանակն է նախընտրելի՝ մնում է համայնքի եւ բնակիչների երեւակայությանը եւ նախընտրությանը:
