«Lragir.am»-ի փոխանցմամբ, սեպտեմբերի 7-ին սպանված մոսկվացի դպրոցական Էդուարդ Մարգարյանի մայրը հրաժարվում է հուղարկավորել որդուն, մինչեւ քրեական գործ չհարուցվի նրա սպանության փաստով: «Որդուս մարմինը դեռեւս դիահերձարանում է: Դա կապված է քննչական մարմնի օպերատիվ արձագանքման իմ հույսերի հետ, որ քրեական գործ կհարուցեն իմ հայտարարության հիման վրա»,- Մոսկվայի քննչական վարչության պետին գրել է Ալլա Մարգարյանը: Հուսահատությունից կինը ստիպված է գնալ այդ քայլին: Ալլա Մարգարյանը վստահ է, որ Մամեդ Մամեդովը իր որդուն կանխամտածված է սպանել եւ պահանջում է, որ նրան անմիջապես կալանավորեն, տեղեկացնում է «lragir.am»-ը՝ վկայակոչելով «Լայֆ Նյուսին»:
