![\"\"](\"https://www.aravot.am/2010/aravot_arm/September/10/p11.jpg\")
Թալիբների հոգեւոր առաջնորդ մուլլա Մոհամմեդ Օմարը (նկարում) Աֆղանստանում իր մարտիկների մոտալուտ հաղթանակն է կանխատեսել եւ ՆԱՏՕ-ի հրամանատարության ներքո այդ երկրում շարունակվող ռազմական արշավը որակել է «կատարյալ ֆիասկո»:
BBC-ի մատուցմամբ, Օմարը, որը շատ հազվադեպ է հանրության համար հայտարարություններ անում, այս անգամ իր ելույթը նվիրել է մահմեդական Ռամադան ամսի ավարտին՝ ԱՄՆ նախագահ Բարաք Օբամային կոչ անելով «առանց որեւէ նախապայմանի եւ որքան հնարավոր է արագ» դուրս բերել զորքերն Աֆղանստանից: «Մեր մահմեդական ազգի հաղթանակը՝ երկիր ներխուժած անհավատների նկատմամբ, անխուսափելի է, իսկ դրա շարժիչ ուժը մեր հավատն է առ Ալլահի օգնությունն ու մեր միասնությունը: Շատ շուտով մենք միջոցներ կձեռնարկենք մահմեդական, անկախ, կատարյալ եւ ուժեղ համակարգ հաստատելու համար»,- հայտարարել է թալիբների առաջնորդը:
