Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարան էր դիմել ՀՀ պաշտպանության նախարարությունը: Հայցվոր ռազմական գերատեսչությունը երեկ հայտնեց, որ անցյալ տարվա հուլիս-օգոստոսին ոմն Ս. Խաչատրյան մուտք է գործել սպայական հանրակացարանի շենք, ապամոնտաժել եւ գողացել է տեղի ջրատաքացուցիչները: Պետությանը հասցվել է 4 մլն 812 730 դրամի վնաս, իսկ Ս. Խաչատրյանի գործողությունների արդյունքում՝ 1մլն 624 300 դրամի վնաս: Ի դեպ, դատական նիստի ժամանակ ՊՆ ներկայացուցիչը հայտնեց, որ պետությանը հասցված վնասը այլ հայցադիմումներով բավարարվել է եւ խնդրեց Կենտրոնի դատարանին՝ բավարարել միայն Խաչատրյանի կողմից հասցված վնասը: Վճիռը կհրապարակվի սեպտեմբերի 17-ին:
