Երեկ Մոսկվայում հայաստանցի հունահռոմեական ըմբիշ, 120 կգ քաշային Յուրի Պատրիկեեւը մեր հանրապետության ընտրանու հաշվարկին բերեց աշխարհի առաջնության արծաթե մեդալ: Յուրին մինչեւ եզրափակիչ հասնելը տարավ չորս հաղթանակ՝ հնդիկ, թուրք, շվեդ եւ ամերիկացի մրցակիցների նկատմամբ, սակայն վճռորոշ գոտեմարտում տանուլ տվեց կուբացի աշխարհի եռակի չեմպիոն Նունյես Լոպեսին: Չնայած մեր ըմբիշին հերթական անգամ չհաջողվեց բարձրանալ պատվո պատվանդանի առաջին աստիճան, սակայն աշխարհի առաջնության արծաթե մեդալը նույնպես պատվաբեր տիտղոս է: Ցավոք, մեր մյուս ըմբիշները՝ Վահան Ջուհարյանը (60 կգ) եւ Դենիս Ֆորովը (84 կգ) առաջին իսկ գոտեմարտից հետո դուրս մնացին պայքարից:
