![\"\"](\"https://www.aravot.am/2010/aravot_arm/September/8/p16.jpg\")
Տարածքային կառավարման նախարար, փոխվարչապետ Արմեն Գեւորգյանը 2010-ը հայտարարել է Տավուշի մարզի ամենահեռավոր (Նոյեմբերյան քաղաքից՝ 33, մարզկենտրոն Իջեւանից՝ 60 կմ) սահմանի ամենավտանգավոր գոտում գտնվող գյուղի՝ Բարեկամավանի տարի: Գյուղի համար չգիտենք, սակայն 29-ամյա գյուղապետ Գարիկ Աբազյանի համար այս տարին հաստատ արդյունավետ կլինի: Հոկտեմբերի 10-ին նա կամուսնանա: Հարսնացուն բարեկամավանացի է, ով 16 տարի առաջ ընտանիքի հետ բնակություն է հաստատել Ռուսաստանի մայրաքաղաքում: Նա հանուն սիրո համաձայնել է Մոսկվայի հարմարավետ պայմանները փոխել Բարեկամավանի ծանր կենցաղի հետ, ուր ադրբեջանական գնդակոծությունից ավերված է մշակույթի տունը, չկա հանգստի, ժամանցի կենտրոն, զբոսայգի, ինտերնետ եւ այլն: Եթե համագյուղացի երիտասարդները հետեւեն գյուղապետի օրինակին, ապա Բարեկամավանի 453 բնակիչների թիվը բավական կավելանա:
