Գերմանիայում ավիաշոուի ժամանակ արտակարգ պատահար է տեղի ունեցել. թռիչքի պահին պտուտակաշարժով ինքնաթիռի օդաչուն անհայտ պատճառներով չի կարողացել կառավարել օդանավը, որի արդյունքում վերջինը մեծ արագությամբ դուրս է թռչել վայրէջքուղուց եւ մխրճվել է հանդիսատեսների մեջ: Նախնական տվյալներով, ըստ Life News-ի, առնվազն մեկ մարդ՝ 46-ամյա մի կին, զոհվել եւ եւս 38 հոգի տարբեր ծանրության վնասվածքներ է ստացել: Պատահարը տեղի է ունեցել գերմանական Նյուրնբերգ քաղաքից հյուսիս-արեւելք գտնվող Լիլլինգհոֆ ամառային դաշտում: Օդաչուն չի տուժել: Նյուրնբերգի ոստիկանությունը միջադեպի հանգամանքներն ուսումնասիրելու համար հետաքննություն է սկսել:
