Ընդերքօգտագործման ոլորտը, էներգետիկայի եւ բնական պաշարների փոխնախարար Արեգ Գալստյանի խոսքերով, տնտեսության զարգացման հիմնական գրավականներից մեկն է: Այս մասին նա երեկ հայտնել է կառավարության նիստի ժամանակ: Ըստ նրա, այս ոլորտը կարգավորող օրենսդրական դաշտն անկատար է: Փոխնախարարը նաեւ նշեց, որ օրենսգրքի նախագծով սահմանվում է հանրապետության տարածքում ընդերքօգտագործման կարգը, որով կարգավորվելու է ընդերքն օգտագործելիս շրջակա միջավայրը վնասակար ազդեցությունից պաշտպանելու սկզբունքները: Վարչապետ Տիգրան Սարգսյանն էլ այս առնչությամբ նշեց, որ այս օրենքը կարեւորագույններից է եւ մեծ նշանակություն է ունենալու մեր տնտեսության զարգացման համար: Վարչապետի խոսքով, հետագայում էլ գուցե Հայաստանում ընդերքի առանձին նախարարություն ստեղծվի:
