![\"\"](\"https://www.aravot.am/2010/aravot_arm/September/3/p23.jpg\")
Բրազիլիայի 200 հազար բնակչություն ունեցող Դորադուս քաղաքն ընդհանրապես մնացել է առանց իշխանությունների՝ այն բանից հետո, երբ ոստիկանությունը ձերբակալել է քաղաքապետարանի գրեթե բոլոր պաշտոնյաներին: Վերջիններս, ներառյալ քաղաքապետը, նրա տեղակալն ու նույնիսկ կինը մեղադրվում են կոռուպցիայի եւ այլ մեքենայությունների մեջ: Այդ մասին հաղորդում է BBC-ն: Ձերբակալությունները նախաձեռնել է դատախազությունը, որի տվյալներով՝ քաղաքապետը քաղաքում կոռուպցիայի մի ողջ ցանց է ստեղծել: Ենթադրվում է, որ նա իր հանցակիցների հետ միասին քաղաքում ձեռնարկատիրական կամ հասարակական աշխատանքների յուրաքանչյուր պայմանագրից 10 տոկոս է պահանջել: Այդ գումարները արդյունքում ուղղվել են ընտրական արշավների ծախսերը հոգալու եւ տեղի քաղաքական գործիչներին կաշառելու համար: Քաղաքապետի տանն իրականացված խուզարկության ժամանակ իրավապահները առգրավել են 100 հազար բրազիլական ռեալ՝ մոտ 57 հազար դոլար:
Մինչեւ քաղաքային իշխանությունների նոր ընտրությունները՝ Դորադոսը ղեկավարելու է քաղաքային դատարանի դատավորը:
