Հուլիսի 28-ին Մարտունիի զորամասում սպանվեցին Վարդգես Թադեւոսյանը, Գարեգին Հովսեփյանը, Անդրանիկ Սարգսյանը, Ռոբերտ Հովհաննիսյանը, Արտյոմ Մանասյանը:
Ըստ նախնական վարկածի, նրանց սպանել, ապա ինքնասպան էր եղել նախկինում դատված, բայց Արաբկիրի զինվորական կոմիսարիատից բանակ զորակոչված, ԱՄՆ-ից արտաքսված Կարո Այվազյանը: Վերջինիս 70-ամյա պապը՝ Ջիվան Միքայելյանը, որեւէ երկրից քաղաքական ապաստան է խնդրում, քանի որ համոզված է, որ իր թոռան վրա բարդելով սպանությունները, քննությունն ակնհայտ սխալ ճանապարհով է գնում, եւ երկրորդ, նա «Հետքին» ասել էր, թե իրեն սպառնում են, գիշերվա ժամերին փորձելով իր տուն այցելել:
«Առավոտի» տեղեկություններով, պաշտպանության նախարար Սեյրան Օհանյանը հանդիպել է սպանված Վարդգես Թադեւոսյանի ազատամարտիկ հոր՝ Արարատ Թադեւոսյանի հետ՝ վերջինիս խնդրանքով:
