«ԼՂ հակամարտությունը գնալով ավելի շատ է հիշեցնում Քաշմիրի եւ Կիպրոսի հակամարտությունները, որոնք տասնամյակներ շարունակ չլուծված են մնում»,- panarmenian.net-ի մատուցմամբ, հայտարարել է Եվրոպայի ռազմավարական ուսումնասիրությունների կենտրոնի փորձագետ Մայքլ Էմերսոնը: Մեկնաբանելով ՀՀ տարածքում ռուսական ռազմական բազայի տեղակայման ժամկետը երկարացնելու մասին թիվ 5 արձանագրության ստորագրումը՝ փորձագետը հայտարարել է, թե դա նշանակում է ստատուս-քվոյի երկարացում: «Բաքուն կարող է «շնորհակալություն հայտնել» միայն իրեն: Բաքվի քաղաքական շրջանակներում ռազմատենչ հայտարարությունները ստիպեցին Երեւանին կառչել ռուսական ռազմական երաշխիքներից»,- նկատել է Մայքլ Էմերսոնը:
