![\"\"](\"https://www.aravot.am/2010/aravot_arm/September/1/p15.jpg\")
Գրոսմայստեր Զավեն Անդրիասյանը (լուսանկարում) Սալոնիկում ընթացող «Կալամարիա օփեն» շախմատի միջազգային մրցաշարում յոթ տուրից հետո 5,5 միավորով թուրք Սուաթ Աթալիկի հետ միասին գլխավորում է մրցաշարային աղյուսակը: Մրցաշարը լուսաբանող Cհess-result.com ինտերնետային կայքի տվյալներով՝ Զավենը լրացուցիչ հաշվարկներով առաջինն է:
Մեր հանրապետության մյուս ներկայացուցիչները՝ Վահե Բաղդասարյանը եւ Աղասի Ինանցը, համապատասխանաբար, 4,5 եւ 3,0 միավորով ընթանում են 17-րդ եւ 38-րդ հորիզոնականներում:
Armchess.am-ի տեղեկացմամբ, գրոսմայստեր Տիգրան Քոթանջյանը, որ Ֆիլիպինների մայրաքաղաք Մանիլայում մասնակցում է ՖԻԴԵ-ի նախկին նախագահ Ֆլորենցիո Կամպոմանեսի առաջին հուշամրցաշարին, չորս հնարավորից իր անվան դիմաց գրանցել է երեք միավոր: Հայաստանցի շախմատիստն ընդամենը մեկ միավոր է զիջում առաջատարին՝ չինացի Ժաո Ջունին:
