Նախկին քաղբանտարկյալ Վարդգես Գասպարին ՀՀ ոստիկանության Կենտրոնականի բաժին եւ Մարդու իրավունքների պաշտպան Արմեն Հարությունյանին հաղորդագրություն է ներկայացրել հանցագործության մասին: Ըստ այդմ՝ օգոստոսի 26-ին՝ ժ. 10:20-ի սահմաններում, Գասպարին փորձել է մտնել Կենտրոնի դատարան՝ ունկնդրելու Դ. Քիրամիջյանի եւ Ս. Գեւորգյանի դատը, սակայն դատական կարգադրիչները արգելել են մտնել Կենտրոնի դատարանի շենք՝ պատճառաբանելով, որ մինչեւ ընդմիջում չի թույլատրվում մտնել դատարան: Առաջացած քաշքշուկի ժամանակ պրն Գասպարին վնասվածքներ է ստացել:
