Բուշերի ատոմային էլեկտրակայանի եւ ապագայում ստեղծվելիք ատոմային կայանները միջուկային վառելիքով ապահովելու նպատակով Իրանը Ռուսաստանին առաջարկել է համատեղ միջուկային կոնսորցիում ստեղծել, որի թույլտվությունը կպատկանի ՌԴ-ին: Trend-ի մատուցմամբ, այդ մասին իր հեռուստաելույթում հայտարարել է Իրանի ատոմային էներգիայի կազմակերպության ղեկավար Ալի Աքբար Սալեհին՝ հավելելով, որ ներկայումս Մոսկվան քննարկում է այդ առաջարկը:
Սալեհին նշել է, թե Իրանը մտադիր չէ միջուկային վառելիքն ամբողջությամբ իր երկրում արտադրել. «Մինչեւ հիմա մենք արտադրել ենք մինչեւ 20% հարստացված 25 կգ ուրան եւ ապագայում մտադիր ենք շահագործման հանձնել միջուկային կոթուն արտադրող գործարան»:
