Արագածոտնի մարզային ոստիկանությունից ահազանգ է ստացվել, որ օգոստոսի 24-ին, ժամը 15-ի սահմաններում, ավտոպատահար է տեղի ունեցել Երեւան-Գյումրի ճանապարհի 81-րդ կիլոմետրում:
Դեռեւս չպարզված հանգամանքներում «Ռենջ Ռովեր» մակնիշի AXA 555 պետհամարանիշի ավտոմեքենան դուրս է եկել ճանապարհի երթեւեկելի մասից ու շրջվել: Մեքենայի ուղեւորը, Ախալքալաքի 50-ամյա բնակիչ Արամ Աբաջանյանը տեղում մահացել է: Մեքենայի վարորդը՝ Ախալքալաքի 48 -ամյա բնակիչ Գրիգոր Աբաջանյանը եւ ուղեւորները՝ նույն քաղաքի բնակիչներ Լուսինե եւ Լիաննա Աբաջանյաններն ու Երեւանի բնակիչ Նաիրա Արամյանը ստացել են վնասվածքներ եւ տեղափոխվել Թալինի հիվանդանոց:
Լիաննա Աբաջանյանը եւ Նաիրա Արամյանը դուրս են գրվել հիվանդանոցից, իսկ Գրիգոր եւ Լուսինե Աբաջանյանները տեղափոխվել են, համապատասխանաբար՝ Երեւանի «Արմենիա» եւ «Էրեբունի» բժշկական կենտրոններ:
Ըստ բժիշկների՝ տուժածների վիճակը միջին ծանրության է:
