![\"\"](\"https://www.aravot.am/2010/aravot_arm/august/26/p8.jpg\")
Երեկ Կենտրոն եւ Նորք-Մարաշ վարչական շրջանների ընդհանուր իրավասության դատարանում նշանակվել էր «Քրեյզիհորս» սրճարանի հարակից տարածքում այս տարվա ապրիլի 17-ին տեղի ունեցած միջադեպի գործով անդրանիկ նիստը:
Մինչ դատական կարգադրիչները կստուգեին եւ կգրանցեին նիստի մասնակիցներին՝ դահլիճ մտնելուց առաջ, նախագահող դատավոր Արմեն Խաչատրյանի օգնականը դիմեց դատական կարգադրիչների ստորաբաժանման պետ Արթուր Փիլոսյանին, ասելով, որ նա տեղեկացնի այն մասին, որ մեկ այլ դատավարության պատճառով «ռազբիրատի գործը» հետաձգվում է:
Նշված «ռազբիրատի» գործով 7 ամբաստանյալներից 2-ի նկատմամբ խափանման միջոց է ընտրվել կալանքը: Կալանավորվել են Գեւորգ Շահենի Հարությունյանը (նա մեղադրվում է Քրօրի 258 հոդվածի 3-րդ մասի 1-ին կետի հատկանիշներով) եւ Գարեգին Մարտինի Համբարձումյանը (528 հոդվածի 1-ին մասի հատկանիշներով): Խուլիգանության համար մեղադրվող մյուս ամբաստանյալներն են. Մխիթար Միհրանի Էլոյանը (Կոտայքի մարզի Գեղադիր գյուղից), Մհեր Հակոբի Նշանյանը, Հարություն Անդրանիկի Քոչոյանը, Միսակ Ռազմիկի Ստեփանյանը, Արթուր Բորիկի Հարությունյանը (Աբովյան):
Դատական նիստը նշանակվեց օգոստոսի 31-ին:
