Թուրքական TAI ընկերությունն ի զորու է կատարելագործել Ադրբեջանի սպառազինությունում գտնվող բոլոր ուղղաթիռները: Ըստ «Արմինֆո»-ի, այդ մասին հայտարարել է TAI գործադիր փոխնախագահ Էմրե Յազըջըն: Ըստ նրա, Ադրբեջանը կարող է մասնակցել T129 մարտական ուղղաթիռների թեստային թռիչքների ATAK թուրքական ծրագրին: Ստորագրված պայմանագրի համաձայն, TUSAS (TAI-ի ընկերակիցը) կարող է վերանորոգել Ադրբեջանի պաշտպանության նախարարության ուղղաթիռները: Երկրորդ, ադրբեջանական կողմը ATAK ծրագրին մասնակցության շուրջ կարող է համաձայնության հանգել Թուրքիայի Ազգային պաշտպանության նախարարության հետ:
