![\"\"](\"https://www.aravot.am/2010/aravot_arm/august/24/p4.jpg\")
Երեկ «Առավոտի» ֆոտոթղթակից Գագիկ Շամշյանին Արտաշատում նկարահանման ժամանակ մոտեցավ Արարատի՝ վերջերս նշանակված մարզպետ Էդիկ Բարսեղյանը եւ հորդորեց իր հետ կատակներ չանել՝ սպառնալով, որ հակառակ դեպքում վատ կլինի: Խոսակցությանը խառնվեց հերթական սափրագլուխը՝ չնայած մինչեւ մարզպետ նշանակվելը պարոն Բարսեղյանը «ախրանայով» պտտվելու սովորություն չուներ: Մարզպետի դժգոհությունն էր առաջացրել այս տարվա հունիսի 18-ին «Առավոտի» առաջին էջում տպագրված նկարը, որտեղ Ազատության հրապարակում պատկերված է ինքը, ինչպես նաեւ ոստիկանապետ Ալիկ Սարգսյանը եւ գլխավոր դատախազի տեղակալ Արամ Թամազյանը: Եվս մեկ անգամ տպագրում ենք այդ նկարը՝ ընթերցողի դատին հանձնելով այն հարցը, թե ինչն է այստեղ վիրավորական պարոն Բարսեղյանի համար:
