Ամերիկահայ հայտնի Քարդաշյան ընտանիքով հետաքրքրվողներին նոյեմբերի 13-ին անակնկալ է սպասվում: Ըստ tert.am-ի՝ այդ օրը գրախանութներում կհայտնվի Քարդաշյան քույրերի՝ Քիմի, Քորթնիի եւ Քլոյայի կենսագրության մասին պատմող գիրքը: «Քարդաշյան կոնֆիդենցիալը» (Kardashian Konfidential) կարժենա $25,99: Ըստ St. Martin’s Press–ի՝ 256 էջանոց գրքում կզետեղվի 200 գունավոր լուսանկար: Բացի դրանից՝ քույրերը գրքում կկիսվեն իրենց ընտանեկան պատմություններով, գեղեցկության եւ ծանոթությունների վերաբերյալ օգտակար խորհուրդներով:
Գրքում տեղ կգտնեն նաեւ անձնական օրագրերից հատվածներ: «Քիմը, Քորտնին եւ ես շատ ենք զվարճացել գրքի վրա աշխատելիս, եւ հուսով ենք, որ դուք էլ նույնքան կզվարճանաք այն կարդալիս: Գրքում դուք որոշ զվարճալի գաղտնիքներ կհայտնաբերեք»,- գրել է Քլոյան իր անձնական կայքում:
