Մարզական լրատվամիջոցների փոխանցմամբ՝ «Showime» հեռուստաընկերությունը նոյեմբերի 6-ին կազմակերպելու է պրոֆեսիոնալ բռնցքամարտի երեկո, որի գլխավոր իրադարձությունը լինելու են թեթեւ քաշային կարգում կայանալիք երկու գերմենամարտեր: Այդ օրը ռինգում կհանդիպեն IBO-ի չեմպիոն եւ գերթեթեւ քաշային կարգում WBC/WBA գոտիների տիրակալ Վախթանգ Դարչինյանն ու առայսօր ոչ մի պարտություն չկրած Աբներ Մարեսը: Մարզասերները կլինեն նաեւ IBF-ի չեմպիոն Իոննի Պերեսի ու Ջոզեֆ Ագբեկոյի միջեւ ռեւանշ մրցամարտին: Ըստ դեռեւս վերջնականապես չճշգրտված տեղեկությունների, բռնցքամարտի այդ երեկոն կարող է կայանալ Լոս Անջելեսի «Staples Center»-ում:
