Հնդկացիների 40 համայնքների ներկայացուցիչներ բաց նամակ են հղել Բրազիլիայի նախագահի թեկնածուներին՝ պահանջելով դադարեցնել իրենց տարածքների հարեւանությամբ ենթակառուցվածքային օբյեկտների շինարարությունը: Այդ մասին հաղորդում է APA գործակալությունը:
Տեղաբնիկների նամակում մասնավորապես ասված է, թե նոր ճանապարհներն ու էլեկտրակայանները վնասում են բնությունն ու խաթարում ցեղերի կյանքի կացութաձեւը:
Ավելի վաղ հնդկացիների ցեղախմբերից մեկն արդեն զավթել է Բրազիլիայի Մատու-Գրոսու նահանգում կառուցվող հիդրոէլեկտրակայանի տարածքը:
Հիշեցնենք, որ հոկտեմբերին Բրազիլիայում տեղի են ունենալու նախագահական ընտրություններ:
