Երեկ, ժամը 01.08-ին, ահազանգ է ստացվել, որ Երեւանի Շիրակի 2 հասցեում գտնվող կոյուղու դիտահորից գազի ուժեղ հոտ է գալիս եւ լցվում հարակից տները, եւ բնակիչների շրջանում կան ինքնազգացողության վատացման դեպքեր: Նախնական տվյալներով՝ դիտահորի մեջ գազի բալոն է դատարկվել, ինչի հետեւանքով գազի հոտը տարածվել է շենքի մուտքում եւ հարակից տարածքում: Հրշեջ-փրկարարները բարձր ճնշմամբ ջրի շիթով իրականացրել են դիտահորի մաքրման աշխատանքներ, ինչի արդյունքում գազի հոտը թուլացել է:
