Բրիտանական ներգաղթային գործակալությունը մտադիր է օգնել անգլիկան հոգեւորականներին՝ ի հայտ բերելու կեղծ ամուսնությունները: Այդ առաջարկը եղել է այն բանից հետո, երբ Անգլիկան մի հոգեւորական մեղավոր է ճանաչվել իր եկեղեցում հարյուրավոր զույգերի պսակելու համար, որոնց ամուսնությունները, պարզվել է, կեղծ են եղել: Եկեղեցում արված նման պսակը թույլ է տալիս ապօրինի գաղթականներին օրինական հիմունքներով ավելի երկար մնալ Մեծ Բրիտանիայում: Բրիտանական սահմանապահ ծառայությունն անգլիկան եկեղեցու յուրաքանչյուր թեմի առաջարկում է կապի մեջ լինել տեղի ներգաղթային բյուրոյի հետ՝ խորհրդատվություն ստանալու եւ կեղծ ամուսնությունների բացահայտման ուղղությամբ աջակցության համար: Այսպիսով, հոգեւորականները պարտավորված կլինեն բացահայտել կեղծ ամուսնությունները եւ դրանց մասին հայտնել աշխարհիկ իշխանություններին, որոնք էլ միջոց կձեռնարկեն դրանք չեղյալ հայտարարելու եւ օրենսդրությունը խախտողներին Մեծ Բրիտանիայի սահմաններում գտնվելու իրավունքից զրկել:
