Գերմանական Նյուրնբերգ քաղաքում գործող շուրջ 100 ռեստորանների, բարերի եւ դիսկոտեկների սեփականատերեր հանրագիր են ստորագրել՝ հայտարարելով, որ այլեւս չեն ուզում սպասարկել ռասիստական արտահայտություններ անող եւ աջծայրահեղական տեսակետներ ունեցող իրենց հաճախորդներին: Այդ մասին հաղորդում է Lenta.ru-ն: Նման կոլեկտիվ հայտարարության պատճառ են դարձել վերջին շրջանում սպասարկման այդ ոլորտում աջծայրահեղականների մասնակցությամբ տեղի ունեցող խուլիգանության եւ ծեծկռտուքի դեպքերը:
Հանրագրի հեղինակները շեշտել են, որ այդ քայլով իրենք ուզում են ուշադրություն հրավիրել այդ դեպքերին եւ հասնել ոստիկանության կողմից ավելի ակտիվ գործողությունների ձեռնարկմանը: Ոստիկանությունը, նրանց կարծիքով, միշտ ուշացած է արձագանքում այդ դեպքերին: Նրանք նաեւ հույս ունեն ստանալ այլ ռեստորանների տերերի աջակցությունը եւս, որոնք, թերեւս, վախենում են աջծայրահեղականների հաշվեհարդարից:
