![\"\"](\"https://www.aravot.am/2010/aravot_arm/august/19/p13.jpg\")
Ըստ ռուսական ԶԼՄ-ների, օգոստոսի 16-ից Ուլյանովսկում ընթանում է մանկավարժական ֆորում՝ «Ռեգիոնալ կրթությունը՝ նոր դպրոցի ճանապարհին» խորագրով: Միջոցառումը լենինյան մեմորիալում է կազմակերպված, որտեղ կարեւոր տեղ են զբաղեցնում «ուսուցչական ապագային» հատկացված նախագծերը: Օրինակ, կարելի է տեսնել մոբիլ սեյֆեր՝ նոթբուքերի պահպանման համար. ենթադրվում է, որ ապագա դպրոցականների ստուգողականները էլեկտրոնային ձեւաչափով են լինելու, էլեկտրոնային դասամատյաններ կան ներկայացված, որտեղ նշանակված գնահատականները ավտոմատ կերպով կփոխանցվեն երեխաների էլեկտրոնային օրագրերի մեջ: Ֆորումի «չամիչը», սակայն, մերսող բազկաթոռն է՝ մանկավարժների համար: Մասնագետները հավաստիացնում են, որ նման բազկաթոռին նստելուց հետո ուսուցիչների լարվածությունը կվերանա, եւ նրանք ավելի հազվադեպ բյուլետենի կարիք կունենան:
