Վիրավորվել էին ուղեւորներ

Օգոստոսի 15-ին, ժամը 01.15-ին ահազանգ է ստացվել, որ Երեւան-Իջեւան ավտոմայրուղու 71-րդ կմ-ում տեղի է ունեցել վթար: Բախվել են «ՎԱԶ-21015» մակնիշի 88 ՏՕ 055 եւ «Միֆ» տաքսի ծառայությանը պատկանող «ՎԱԶ-21014» մակնիշի Տ 7478 պետհամարանիշների ավտոմեքենաները:
Ուղեւորները՝ Երեւանի բնակիչներ Պայծառ Դանասյանը, Սարգիս Հովհաննիսյանը եւ Արամ Թորոսյանը, ստացել են վնասվածքներ ու մինչ փրկարարների՝ կանչի վայր հասնելը տեղափոխվել Սեւանի կենտրոնական հիվանդանոց:
Տուժածների առողջական վիճակը միջին ծանրության է:  
Իսկ Գյումրի-Վանաձոր ավտոճանապարհի 42-րդ կմ-ում «Ֆորդ» մակնիշի «ՎԻԷյՎԻ-561» պետհամարանիշի միկրոավտոբուսը (վարորդ՝ 1962թ. ծնված Դավիթ Ալոյան)  շրջվել է: Պատահարի հետեւանքով վնասվածքներ են ստացել ու Գյումրիի Գյուլբենկյանի անվան հիվանդանոց տեղափոխվել՝ Վրաստանի քաղաքացիներ Սվետլանա Բարիկյանը եւ Զինաիդա Արդաջանովան, Հունաստանի քաղաքացի Էլեկտրա Անտոնիադան, Ալլա Բարսելովան, Ռուդիկ Գրիգորյանը եւ անձը չպարզված եւս մեկ ուղեւոր: Թենգիզ եւ 10-ամյա Օթարի Ալոյանները վնասվածքներով տեղափոխվել են մանկական «Ավստրիական» հիվանդանոց: Բժիշկների կողմից Ռ. Գրիգորյանի առողջական վիճակը գնահատվել է ծայրահեղ ծանր, Ա. Բարսելովայի ու Ս. Բարիկյանի վիճակը՝ ծանր, իսկ Զ. Արդաջանովայի ու Է. Անտոնիադայի  վիճակը՝ միջին ծանրության: