Հայաստանի Հանրապետության կառավարությունը երեկ որոշել է Ալ. Սպենդիարյանի անվան օպերայի եւ բալետի ազգային ակադեմիական թատրոնի տանիքածածկույթի պաշտպանիչ շերտի նորոգման նպատակով ՀՀ մշակույթի նախարարությանը հատկացնել 9 միլիոն 630 հազար դրամ։ Գործադիրը որոշել է Վանաձորի Մ. Թավրիզյանի անվան արվեստի պետական քոլեջին ամրացված Վարդանանց 96 հասցեում գտնվող ուսումնական մասնաշենքի համապատասխան տարածքներն անժամկետ, անհատույց օգտագործման իրավունքով ամրացնել Երեւանի թատրոնի եւ կինոյի ինստիտուտին՝ այն Վանաձորի մասնաճյուղի օգտագործմանը տրամադրելու համար։
Կառավարության նիստում որոշվել է նաեւ Երեւանում հայ անվանի բարերարների անուններով հուշակոթողներ տեղադրել։ Ծրագրի իրականացման համար ՀՀ Սփյուռքի նախարարության 2010թ. բյուջեով նախատեսված է 21 միլիոն դրամ։
