Վրաստանի գորտերը գերել են եվրոպացի գուրմանների սրտերը, ինչի արդյունքում ԵՄ-ն հետաքրքրված է Վրաստանից եվրոպական երկրներ գորտերի արտահանման ծավալների մեծացմամբ: Այդ մասին, ըստ panorama.am-ի, լրագրողներին տեղեկացրել է Վրաստանի գյուղատնտեսության նախարարը եւ ավելացրել, թե ԵՄ-ն պատրաստվում է այդ գործում մեծ ներդրումներ կատարել:
Գորտասեր եվրոպացիների հետաքրքրությունը վրաց գորտերի նկատմամբ պայմանավորված է նրանով, որ Rana ridibunda գորտատեսակի միսը իր համային հատկանիշներով բավականին տարբերվում է, այդ իսկ պատճառով մեծ մասսայականություն է վայելում: 2003թ-ից սկսած Վրաստանը եվրոպական երկրներ արտահանել է ավելի քան 21 տոննա գորտ, իսկ վերջին շրջանում տարածված խոզի ու հավի գրիպների հետեւանքով պահանջարկն էլ ավելի է աճել
