«Առավոտ» օրաթերթի օգոստոսի 10-ի համարում տպագրվել է հոդված՝ «Խախտում են բոլորը, այդ թվում՝ ուժայինները» վերնագրով, որտեղ հոդվածագիրը օգտագործել է սխալ տեղեկություններ, նշելով, թե «Մերսեդես Բրաբուս» մակնիշի 800 ՏՕ 01 համարանիշի ավտոմեքենայի վարորդը ՀՀ գլխավոր դատախազության աշխատակից է: Օգտվելով «Զանգվածային լրատվության մասին» ՀՀ օրենքի 8-րդ հոդվածով ընձեռված իրավունքից եւ հարգելով հանրության ստուգված տեղեկատվություն ստանալու իրավունքը, տեղեկացնում ենք, որ նշված պետհամարանիշի ավտոմեքենա դատախազության հաշվեկշռում հաշվառված չէ եւ այն սեփականության իրավունքով չի պատկանում նաեւ դատախազության որեւէ աշխատակցի: Միաժամանակ տեղեկատվության կարգով նշենք, որ «ՏՕ 01»-ով ավարտվող ոչ բոլոր համարանիշներն են պատկանում դատախազությանը, եւ լրագրողը կարող էր խուսափել «Առավոտ» օրաթերթի ընթերցողներին չստուգված տեղեկատվություն փոխանցելուց, եթե փորձեր նախապես ճշտել իր ենթադրությունները: Դատախազության տնօրինման տակ ներկայում գտնվում են 001 ՏՕ 01-ից մինչեւ 302 ՏՕ 01 նիշերը պարունակող համարանիշները:
ՀՀ գլխավոր դատախազության
աշխատակազմի կազմակերպա-
մեթոդական եւ հանրային
կապերի վարչություն
