Վայոց ձորի նորանշանակ մարզպետ ԲՀԿ-ական Սերգեյ Բագրատյանը Panorama.am-ի հետ զրույցում ասել է, որ նորմալ ժառանագություն է ստացել, մարզը բնականոն զարգացման ընթացք ունի, իսկ աշխատակազմում փորձառու մասնագետներ են. «Այնպես որ, որեւէ մեկին փոխելու անհրաժեշտություն չկա: Մենք կողմ ենք նախաձեռնողական քաղաքականության, իսկ նախկինից մնացած աշխատաոճն ավելի շուտ կրավորական է. աշխատակազմը տարիների ընթացքում սովորել է, որ պետք է դիմեն, որպեսզի խնդիրները սկսեն լուծվել: Այսուհետեւ այդ քաղաքականությանը վերջ է դրվելու, քանի որ ես կողմնակից եմ, որ ոչ թե խնդիրները գան մարզպետարան, այլ աշխատակիցները գյուղ առ գյուղ ճշտեն»:
