Լեհական մամուլը պնդում է, որ ռուսները, որոնք կազմակերպել են այդ երկրի նախկին նախագահ Լեհ Կաչինսկիի դիակի տեղափոխումը Լեհաստան, կանխամտածված կերպով փոխել են նրա աճյունի մասերը: Բրիտանական The Times-ի մատուցմամբ, ավիավթարի արդյունքում զոհված նախագահի երկվորյակ եղբորը մոտ կանգնած աղբյուրը լեհական Rzeczpospolits թերթին տեղեկացրել է, թե Լեհ Կաչինսկիի դագաղում հայտնվել է ավիավթարի արդյունքում զոհված լեհ գեներալներից մեկի ձեռքը: Ո՛չ այդ գեներալի անունը, ո՛չ էլ այն, թե ինչպես է նույնականացվել վերջույթը՝ չի մատնանշվում: Աղբյուրի ասելով, ռուս փրկարարները չեն կարողացել աղետի վայրում գտնել Կաչինսկիի մարմնի բոլոր մասերն ու միջազգային սկանդալից խուսափելու եւ այդ փաստը կոծկելու համար նախագահի պոկված թեւի փոխարեն զոհերից մեկի ձեռքն են դրել:
