Ներկայումս հայտնի է ավելի քան 200 տեսակի բալ, որոնք տարբերվում են իրենց քիմիական բաղադրությամբ եւ հասնելու ժամանակաշրջանով: Բալն օգտագործում են որպես դիետիկ մթերք, որը նպաստում է ախորժակի եւ մարսողության լավացմանը, ինչպես նաեւ հագեցնում է ծարավը: Բալի պտուղներն իրենց մեջ պարունակում են նյութեր, որոնք նպաստում են աղեստամոքսային տրակտի աշխատանքի լավացմանը: Բալն ազդում է կենտրոնական նյարդային համակարգի վրա՝ ունենալով հանգստացնող եւ հակաջղաձգային ազդեցություն: Նախորդ հարյուրամյակում որոշ բժիշկներ ընդունել են բալի շիճուկը հոգեկան հիվանդությունների եւ էպիլեպսիայի բուժման ժամանակ: Ըստ doctors.am-ի՝ դեղագործության մեջ բալի օշարակը հաճախ օգտագործվում է դեղորայքի համը լավացնելու համար:
