Հյուսիսային Իռլանդիայի եւ Իռլանդական Հանրապետության սահմանին գտնվող Լոնդոնդերրի քաղաքի ոստիկանական բաժանմունքի մոտ պայթյուն է որոտացել: Զոհեր եւ տուժածներ չկան: Թե ինչպե՞ս է գործի դրվել ավտոմեքենայում տեղադրված պայթուցիկ սարքը՝ առայժմ հայտնի չէ: Վարկածներից մեկով՝ երեքշաբթի օրը, վաղ առավոտյան երկու տղամարդ, որոնցից մեկի ձեռքին հրազեն է եղել, տաքսի են կանգնեցրել, ինչ–որ սարք են դրել մեքենայի մեջ եւ վարորդին հանձնարարել են այն հասցնել ոստիկանության շենքի մոտ: Լոնդոնդերրիի քաղաքապետը, որը միջադեպից հետո ժամանել է դեպքի վայր, հայտարարել է, թե պայթյունի արդյունքում վնասվել են միայն մոտակա շենքերն, ու ոչ ոք չի տուժել:
Ըստ նախնական վարկածի, պայթյունը կազմակերպել է Իռլանդական Հանրապետության բանակը:
