Բոլորին է հայտնի, որ գիրությունը շատ վտանգավոր է կյանքի համար, բայց անգլուհի Ժանեթ Մայնֆիլդը չի ցանկանում ազատվել իր ավելորդ քաշից։
41-ամյա տիկինը վերջերս փրկել է իր կյանքը՝ ճարպաշերտի օգնությամբ, երբ հանգստանում էր Հավայան կղզիներում։ Երեկոյան զբոսնելիս, նրա վրա անսպասելիորեն հարձակվում են երկու խուլիգաններ, որոնցից մեկը՝ դանակը ձեռքին։ Սրածայր դանակը ավելի քան տասը սանտիմետր մխրճվել է մոտ մեկ ցենտներ քաշով կնոջ մարմնի մեջ, բայց կտրել է միայն ճարպի հաստ շերտը, որը հուսալիորեն պաշտպանել է կյանքի համար կարեւոր ներքին օրգանները։
Հիմա Ժանետը լսել անգամ չի ուզում խոլեսթերինի վնասակարության, չափավոր սնման, դիետայի մասին եւ երբեք չի մտահոգվում իր սննդի կալորիականությամբ։ Նա հանգիստ ուտում է այն ամենը, ինչը իրեն դուր է գալիս եւ ուտելիս չի մոռանում ասել. «Եթե ձեզ համար թանկ է կյանքը, գիրացեք»։
