Երեկ ժամը 00.57-ին ահազանգ է ստացվել, որ Արարատի մարզի Տիգրանաշեն-Զանգակատուն ավտոճանապարհի 7-րդ կմ-ում ավտոմեքենա է շրջվել: ԱԻՆ փրկարար ծառայության տեղեկացմամբ, դեռեւս չպարզված հանգամանքներում, «Կրազ» մակնիշի 059 ՏՕ 43 պետհամարանիշի ավտոմեքենան դուրս է եկել ճանապարհի երթեւեկելի հատվածից եւ շրջվել ձորը: 42-ամյա վարորդը՝ Դ. Սարգսյանը շտապօգնության մեքենայով տեղափոխվել է Արարատի հիվանդանոց: Դ. Սարգսյանի վիճակը բավարար է:
